სასარგებლო რჩევები

რჩევა მასწავლებელს, გზავნილი- ალბერტ ბანდურასგან

1. აჩვენეთ მოსწავლეებს ახალი ქცევის მაგალითები, ამით თქვენ მათ ახალი ქმედებების სწრაფად ათვისებაში დაეხმარებით;

2.   გახსოვდეთ, რომ ახლად ათვისებული მასალა ყოველთვის დაუყოვნებლივ არ ახდენს გავლენას მოსწავლის ქმედებაზე;

3.   წააქეზეთ მოსწავლეები, ისეთი არჩევანი გააკეთონ, რაც მათი სწავლისთვის სასარგებლო იქნება;

4.გაამხნევეთ მოსწავლეები, პროდუქტიული მიზნები დასახონ;

5.ასწავლეთ მოსწავლეებს ეფექტური სწავლისა და ქცევის სტრატეგიები;

6.ბანდურას აზრით, 4 პირობაა აუცილებელი იმისთვის, რომ მოსწავლეებმა წარმატებით ისწავლონ სამაგალითო ქცევაზე დაკვირვებით: ყურადღება, შენარჩუნება, გამეორება, მოტივაცია;

7.  გაკვეთილი ისე დაგეგმეთ, რომ მოსწავლეებს დავალების ნაწილის შესრულება დამოუკიდებლადაც შეეძლოთ; 

8. მიეცით მოსწავლეებს საშუალება , რომ ერთმანეთს შორის პატარა კონფლიქტები თავად გადაჭრან. ჩაერიეთ იმ შემთხვევაში, თუ კონფლიქტი გაძლიერდა;

9. როცა მოსწავლეები იმპულსურად იქცევიან და ვერ ახდენენ საკუთარი ემოციების კონტროლს, მიეცით მითითებები და აუხსენით, რა შეიძლება მოჰყვეს მათ საქციელს;

10. წაახალისეთ მოსწავლეები, რომ თავიანთი ნამუშევარი და პროგრესი შეაფასონ;

11.წაახალისეთ მოსწავლეები, რომ თანაკლასელებს რჩევისთვის და დახმარებისთვის მიმართონ;

12.ასწავლეთ მოსწავლეებს დავალებების დაგეგმვის კონკრეტული სტრატეგიები.

რჩევა მოსწავლეს, მასწავლებლისგან...

რჩევა პირველი:
მეცადინეობა, უმჯობესია დაიწყო დილიდან. სკოლის შემდეგ კარგად  უნდა ისადილო, ოდნავ დაისვენო, გაისეირნო და შემდეგ დაიწყო მეცადინეობა.

რჩევა მეორე:
ძალიან მნიშვნელოვანია, დადებითად განეწყო სწავლისათვის და გულისყურით მიუდგე შესასწავლ საკითხს.

რჩევა მესამე:
დავალებების შესრულებაში დღეს ყველაფერი კარგად არ მიმდინარეობს, ნუ გაიფუჭებ განწყობას. გადადევი ცოტა ხნით. მოახმარე დრო სხვა საკითხებს  და შემდეგ კვლავ დაუბრუნდი რთულს.

რჩევა მეოთხე:
წინასწარ მოაწესრიგე ყველაფერი მაგიდაზე, იმისთვის, რომ არაფერმა არ დაფანტოს შენი ყურადღება, შენ წინ დაიწყე ყველა საჭირო სახელმძღვანელო და რვეული. განათება მაგიდაზე უნდა ხვდებოდეს მარცხენა მხრიდან.

რჩევა მეხუთე: 
თუ მეცადინეობის დაწყების პირველ ეტაპზე შეატყობ, რომ ყველაფერი იოლად არ გამოგდის, გულს ნუ აიცრუებ. იცოდე, რომ უმეტეს ადამიანს შენსავით უჭირს დასაწყისში, ხოლო ნახევარი საათის შემდეგ ყველაფერი ნორმალურად იქნება.

რჩევა მეექვსე: 
ყოველ ერთ საათში გააკეთე ათ წუთიანი შესვენება. დაასვენე თავი. ამ შესვენების დროს შეგიძლია გააკეთო მარტივი ფიზიკური ვარჯიშები ან რომელიმე საოჯახო საქმე, ცოტა დაისვენე და შემდგომ გააგრძელე მეცადინეობა.

რჩევა მეშვიდე:

   დაიცავი სანიტარულ-ჰიგიენური ნორმები  კომპიუტერულ ტექნიკასთან მუშაობის დროს, ხშირად გაანიავე ოთახი, დაიცავი კომპიუტერთან სწორად ჯდომის წესები.

რჩევა მერვე:

არამიზნობრივად ნუ გამოიყენებ გასართობ და სხვა არასასწავლო, არასაგანმანათლებლო საიტებს.

რჩევა მეცხრე:

კიბერბულინგის დროს  ნუ დაიდანაშაულებთ თავს, დაელაპარაკეთ მშობელს, მასწავლებელს, სკოლის ფსიქოლოგს ან სხვა ზრდასრულს, რომელსაც ენდობით;

რჩევა მეათე:

გახსოვდეს 8 ნაბიჯი წარმატებისკენ არ დანებდე და თქვი:მე ეს შევძელი!

რჩევები მშობლებს

1.   ნუ გააკრიტიკებთ ბავშვებს, არამედ შეაქეთ ისინი. ასე არა სხვის განსჯას არამედ შეფასებას სწავლობენ;

2.   ნუ შეარცხვენთ ბავშვებს, სხვების წინაშე. ის მთელი ცხოვრება დამნაშავედ იგრძნობს თავს;

3.   არასოდეს ილაპარაკოთ ბავშვზე ცუდი, არც მისი თანდასწრებით, არც მის გარეშე;

4.   ყოველთვის მოუსმინეთ და უპასუხეთ ბავშვს, რომელიც შეკითხვებს გისვამთ;

5.   მზად იყავით დაეხმაროთ ბავშვს, რომელიც ძიების პროცესშია და შეუმჩნეველი იყავით იმ ბავშვისთვის, რომელმაც უკვე ყველაფერი იპოვა;

6.   დაეხმარეთ ბავშვს აითვისოს აქამდე აუთვისებელი რამ. გააკეთეთ ეს ზრუნვით, მოთმინებით, სიმშვიდითა და სიყვარულით;

7.   ბავშვთან ურთიერთობისას, იხელმძღვანელეთ მხოლოდ კარგი მანერებით. იყავით მისი მეგობარი. ეს კარგად აისახება სწავლაზე;

8. გესაუბრონ, როგორ იყენებენ ინტერნეტს და სოციალურ ქსელებს.კიბერბულინგის შემთხვევაში ურჩიე შეწყვიტონ კომუნიკაცია კიბერაგრესორთან და წაუკითხავად წაშალონ მათგან მოსული მესიჯები;

9.   აკონტროლეთ შვილების ინტერნეთ სივრცეში ყოფნის დრო და ხშირად მოხმარებადი საიტები;

10.  აღკვეთეთ კიბერბულინგი დაწყებამდე და ასწავლეთ შვილებს ტექნოლოგიების უსაფრთხოდ გამოყენება.

გამოყენებული ლიტერატურა:

http://mastsavlebeli.ge

http://orioniblog.blogspot.com

www.mshoblebi.ge